Johann Weyer
  | |
| Nome orixinal | (de) Johannes Weyer |
|---|---|
| Biografía | |
| Nacemento | 24 de febreiro de 1515 Grave, Países Baixos |
| Morte | 24 de febreiro de 1588 (73 anos) Tecklenburg, Alemaña |
| Actividade | |
| Campo de traballo | Medicina |
| Lugar de traballo | Düsseldorf Tecklenburg |
| Ocupación | médico |
| Familia | |
| Fillos | Dietrich von Weyer, Heinrich Weyer, Galenus Weyer |
| Descrito pola fonte | Dictionnaire infernal (6ª edición) Allgemeine Deutsche Biographie Biblioteca dixital BEIC |
Johann Weyer (tamén coñecido como Johannes Weier e Johann Wier; en español: Juan Wiero; en latín: Ioannes Wierus ou Piscinarius[1]), nado entre o 24 de febreiro de 1515[2] ou 24 de febreiro de 1516 en Grave, cidade do ducado de Brabante nos Países Baixos dos Habsburgo, e finado o 24 de febreiro de 1588, en Tecklenburg, Alemaña, foi un médico, ocultista e demonólogo holandés.
Foi discípulo e seguidor de Heinrich Cornelio Agrippa, con quen estivo en 1527 en Antuerpen. Cando este foi obrigado a abandona-la cidade, entre 1531-1532,Weyer abandonouna tamén dirixíndose a Bonn.[2] Posteriormente, estudou medicina en París e Orleáns[3].
Foi un dos primeiros en escribir e publicar contra a persecución das bruxas. O seu traballo máis influente foi De Praestigiis Daemonu et Incantationibus C.a. Venificiis (Sobre as ilusións dos demos e de feitizos e velenos) editado en 1563. O seu traballo inclúe Pseudomonarchia daemonum (O falso reino dos demos), un apéndice a De Praestigiis Daemonum, editado en 1577.
Escribiu en francés un libro editado en París en 1579, no que recollía tódalas opinións contrarias á realidade dos actos atribuídos ás bruxas, e mesmo aos demos. Segundo Julio Caro Baroja, Weyer "nega que o mesmo Demo poña o seu poder ao servizo destas [as supostas bruxas] e que, por tanto, se verifiquen realmente os seus propósitos e que teña lugar o pacto de mutuo acordo. O Demo o único que fai é enganalas, apoderándose do seu espírito. Agora ben, compréndese que para isto escolla á xente máis propicia, ou sexa os débiles, melancólicos, ignorantes, maliciosos, etc. E como estes abundan máis entre as mulleres que entre os homes, é natural tamén que entre elas haxa máis captadas"[4].
Edicións das obras
[editar | editar a fonte]- De praestigiis Daemonum ... Libri V. Basilea: Oporinus, 1563 Arquivado 31 de maio de 2020 en Wayback Machine..
- De praestigiis Daemonum ... Libri V. Basilea: Oporinus, 1566.
- Medicarum observationum rararum Liber I. Basilea: Oporinus, 1567
- De lamiis liber. Basilea: Oporinus, 1577. Arquivado 31 de maio de 2020 en Wayback Machine.
- De praestigiis Daemonum ... Libri 6. Basilea, 1577. Arquivado 03 de xuño de 2016 en Wayback Machine.
- De Praestigiis Daemonum, & incantationibus ac veneficiis Libri sexo, postrema editione sexta aucti & recogniti. Basilea: Oporinus, 1583. Arquivado 24 de marzo de 2016 en Wayback Machine.
- Opera Omnia. Ámsterdam: Peter Vanden Berge, 1660.
Notas
[editar | editar a fonte]- ↑ Enenkel, Karl A.E.; Traninger, Anita (editores) (2015). Discourses of Anger in the Early Modern Period. Leiden: Brill. p. 49. ISBN 978-90-04-30082-8.
- ↑ 2,0 2,1 "Famous Witches - Johann Weyer (c.1515 - 1588)". witchcraftandwitches.com. Consultado o 07-08-2017.
- ↑ Midelfort, H. C. Erik (1999). A History of Madness in Sixteenth-century Germany. Stanford (California): Stanford University Press. p. 173. ISBN 9780804733342.
- ↑ Caro Baroja, Julio (1961). Las brujas y su mundo. Madrid: Alianza Editorial. pp. 153–154. ISBN 84-206-7777-9.
Véxase tamén
[editar | editar a fonte] |
Wikimedia Commons ten máis contidos multimedia na categoría: Johann Weyer  |
Bibliografía
[editar | editar a fonte]- Opera omnia (Obras Completas - en idioma original, mayoritariamente Latín; incluye «De Praestigiis Daemonum et Incantationibus C.a. Venificiis» y «Pseudomonarchia daemonum»). Vanden Berge.[Ligazón morta]
